Штвартками буду и полгодзиново емисиї по руски

автор ртв/ядю
879 Опатрене

НОВИ САД – Филмска програма Радио телевизиї Войводини у сотруднїцтве зоз Руску редакцию, пририхтує нови сериял рисованих филмох и нови термини за їх емитованє, як и полгодзиново емисиї.

Од априла ше каждей стреди од 17,30 годзин емитує дзешецминутова емисия „Перли”, у хторей шпанска анимирована серия „Нарисуй ми приповедку” синхронизована на руски язик, а филмска програма за септембер пририхтує и нови полгодзиново емисиї.

– Рисовани филми ше, попри стаємних стредових терминох, у септембру будзе емитовац и кажди штварток на 19,30 годзин и репризно пияток од 10,30 годзин. То приповедки о Монтезуми, Монтезумов закон, Високе древо, Сказка о найпрефинєншей принцези на швеце, Смиядна жаба и ище велї други котри наймладши патраче годни патриц – гварел Йовица Толяґич, руководитель служби Филмскей програми РТВ.

Як и перши циклус, нови епизоди синхронизую Саня Дивлякович и Александра Живкович Бучко. Полгодзиново емисиї буду емитовани кажди штварток пред емисию „Добри вечар, Войводино”.

ПОВЯЗАНИ ТЕКСТИ