Штредньошколци Школи „Петро Кузмяк” мали матурски вечар

автор маф
1.2k Опатрене

РУСКИ КЕРЕСТУР – Пейдзешат двойо матуранти Штреднєй школи „Петро Кузмяк” вчера мали свой матурски вечар у Ресторану „Червена ружа”. Зоз Школи шветочно випровадзени двацец тройо ґимназиялци з руского и сербского оддзелєня и двацец седмеро з оддзелєня туристични технїчар, одкадз ше по ресторан прешпацирали у шветочней колони зоз своїма класнима старшинами и професорами.

Нєшка остатнї наставни дзень матурантом туристом кед приявюю и матурски испити хтори буду тирвац од 4. по 12. юний, а пред тижньом наставу закончели ґимназиялци. После матурских испитох, 15. юния, шицки достаню дипломи на окремней шветочносци.

По школским календаре, нєшка остатнї наставни дзень и за малих матурантох – 50 школярох осмей класи керестурскей Основней школи, матурски вечар отримаю 7. юния, а Закончуюци испити буду покладац 18., 19. и 20. юния.

ПОВЯЗАНИ ТЕКСТИ