Ютре виход на оглядне польо до Чизмарових

автор мар
1k Опатрене

РУСКИ КЕРЕСТУР – Здруженє паприґарох „Капсикум анум” ютре, 8. авґуста, орґанизує одход на оглядне польо червеней роговей паприґи хибриду Каптур, котри хова фамелия Чизмар.

Пре пошвидшане зренє, три компаниї чийо ше продукти надополнюю на тим оглядним полю, принєсли одлуку же орґанизую єдну презентацию своїх продуктох и скорей Дньох керестурскей паприґи, понеже од штвартку, 10. авґуста, запланована оберачка на спомнутей парцели. У рамикох Манифестациї „Днї керестурскей паприґи” будзе орґанизовани ище єден одход на тото польо. Здруженє паприґарох и компаниї „Аґроарм” (Agroarm), „Тимак Аґро Балканс” (Timac Agro Balkans) и „Белхим Кроп Протекшн” (Belchim Crop Protection) поволую шицких заинтересованих же би пришли опатриц хибрид червеней паприґи на отвореним полю пред першим обераньом. Сход заинтересованих будзе у центру валала, на 9 годзин рано.

ПОВЯЗАНИ ТЕКСТИ