КУЛА – Еколоґийна кампаня „Нє забрудзуй. Нє маш вигварку!” компаниї СББ, як дружтвено одвичательней компаниї, на ютре, 24. юния, будзе орґанизована и у Кули, же би ше гражданох спозорело на одвичательне справованє спрам свойого животного штредку.
Ютрейше пораєнє центру Кули будзе у парку опрез Дому здравя, а на початку роботи, о значеню тей акциї на звекшованю еколоґийней свидомосци гражданох буду бешедовац покраїнска посланїца и руководителька Оддзелєня за дружтвени дїялносци Општини Кула Драґана Потпара и директор Дїловней єдинки СББ у Кули Предраґ Байчета.
Кампаню 2016. року вєдно порушали компания СББ, СББ Фондация и Тотал ТВ, а дотераз попораєни явни поверхносци у 20 городох, медзи нїма нєдавно и у Вербаше, а поставени и 16 терени за бавенє.
На ютрейшей акциї можу участвоваца шицки заинтересовани гражданє.