БЕОҐРАД – У Народней библиотеки у Беоґрадзе на ютре, 18. децембра, будзе отримане стретнуце з назву „Дияспора и ґлобализация: руски приклад”.
Бешеднїки котри ширшу явносц упознаю зоз културу, историю и културним скарбом Руснацох буду проф. др Йоаким Стрибер, проф. др Янко Рамач, др Миряна Дєкич и Михал Рамач.
Подїю орґанизує Парохия св. Кирила и Мефтодия у Беоґрадзе зоз финансийну потримовку Заводу за културу войводянских Руснацох у рамикох проєкту „Каламенє руского беоґрадского конара: стари и нови беоґрадски Руснаци”.
Стретнуце почнє на 17 годзин.