ДЮРДЬОВ – КУД „Тарас Шевченко” з Дюрдьова и того року орґанизовало явну годзину своїх наймладших членох, на хторей участвовали преважно члени Музичней и Рецитаторскей секциї возросту школярох нїзших класох основней школи.
Явна годзина у просторийох Дружтва отримана вовторок, 13. юния, а дзеци рецитовали, шпивали и грали як солисти, у дуетох, лєбо у оркестру. Членох Музичней секциї пририхтал уметнїцки руководитель Михал Лїкар, а рецитаторскей Яким Гарди.
Явну годзину ше отримує пред конєц школского рока, як представянє роботи у єдней сезони родичом и другей публики.
