ЖАБЕЛЬ/ҐОСПОДЇНЦИ – Початком того тижня у Жаблю и Ґосподїнцох отримани явни трибини о стимулох за розвой польопривреди, о чим польопривреднїком бешедовали представителє Покраїнского секретарияту за польопривреду, водопривреду и лєсарство и Покраїнского фонду за розвой польопривреди, сообщене зоз Служби за одношенє з явносцу Општини Жабель.
Орґанизатор презентацийох була локална самоуправа, так же на трибинох присуствовал и предсидатель Општини Чедомир Божич.
У Ґосподїнцох трибина отримана у Месней заєднїци, а о рефундованьох средствох и способох врацаня пенєжу присутним польопривреднїком у Жаблю и Ґосподїнцох бешедовали помоцнїки покраїнского секретара за польопривреду Младен Петкович, Милорад Лалич и Владислав Крсманович, док директор Покраїнского фонду за розвой польопривреди Александар Боґданович представел вигодни кредити Фонду и способи за їх доставанє.
Госци тиж одвитовала и на питаня парастох вязаних за кредити и стимули у польопривреди у тим року.
