ШИД – Вчера, 20. марца, у Шидзе кандидатуру за предсидателя Сербиї представел Саша Янкович, котри своїм прихильнїком опрез будинку Културно-образовного центру гварел же почитованє Уставу и законох основа правней держави и перши його поцаг на месце предсидателя Сербиї будзе розвласцованє гевтих цо думаю же су держава.
Вон повторел же мал право кед критиковал валянє будинкох у Савамали у Беоґрадзе дзе, як наглашел, з боку держави потупени закон и предписаня, а дотераз ище нїхто нє одвитовал.
Бешедуюци о миґрантскей кризи, Янкович додал же тота криза залапела цалу Европу, же ше Сербия гумано справує ґу миґрантом и так би мала и предлужиц, алє нє на чкоду правох домашнїх жительох.
За Янковича Косово часц Сербиї, алє ше держава муши фокусировац на людзох и способ живота людзох котри там жию, же би ше зачувало идентитет и културу Сербох.
Янкович ше у Шидзе прешпацирал по главней Карадьордьовей улїци, а потим нащивел и Ґалерию малюнкох „Сава Шуманович“.