Агнетка Костелник Балатинац школяром представела руски язик

автор аба
1k Опатрене

ОСИЄК – Прешлого тижня, 19. фебруара, пред Медзинародним дньом мацеринского язика, поетеса Агнетка Костелник Балатинац з Осиєку була госц на „Тулуму с(л)овох”, хтори орґанизую вецей школи, односно школски библиотеки у Горватскей пре порив школярох же би вецей читали. Того року им ше прилючела и Економска и управна школа у Осиєку.

Як госц-поета на тим вечаре, Агнетка Костелник Балатинац представела руски язик и свою поезию.

Модератор вечара була професорка горватского язика Блаженка Будимчич, а з представяньом рижних язикох, як и шокецкей бешеди, школяре ше упознали з богатством мацеринских язикох, на хторих дзепоєдни з нїх бешедую и дома.

На концу стретнуца, наша поетеса школярох научела вигваряц даскельо виреченя по руски.

ПОВЯЗАНИ ТЕКСТИ