ШИД – Вчера почали роботи на адаптованю просториї у будинку Општинскей орґанизациї Червеного крижу, у улїци Цара Лазара 10, до хторей будзе преселєна Народна кухня.
Прешлей єшенї у спомнутей просториї положени нови, помоцнєти електро- инсталациї, а тераз роботи предлужени. Кухня до адаптованих просторийох будзе преселєна з будинку у дворе Општинскей управи.
Окрем пририхтованя, варени єдла ше ту будзе и видавац хасновательом, а у будинку и маґазин Червеного крижу, так же шицко будзе на єдним месце.