ПОПРАД (СЛОВАЦКА) – По програми и плану пребуваня наших 29 школярох на Лєтнєй школи у Попрадзе, у Словацкей, хтора тирва од 18. по 24. юлий, школяре дополадня, пополадню и вечар маю годзини руского язика, годзини историї, ґеоґрафиї, виронауки, як и спортски и музични активносци.
Як видно з фотоґрафиї, вчера нащивели Попрад, а плановани ище дзепоєдни нащиви околїску. На Лєтнєй школи ше буду змагац и у старих руских бавискох, а кажде рано ше препатра и оценює гиґиєну у хижох.
При концу Школи, на соботу, 23. юлия, плановане отримац заєднїцку роботню з тему „Лєтня школа у Попраду”, на хторей школяре з наставнїками буду правиц плакати, писац состави, рисовац, а исти дзень пополадню будзе орґанизовани и Квиз „Цо зме научели” – з наученого на Лєтнєй школи.
На нєдзелю, 24. юлия, на законченю Школи учашнїки нащивя Прешов, после чого пополадню руша дому.