СРИМСКА МИТРОВИЦА – По Служби Божей, вчера, 18. октобра, у церковней сали у Сримскей Митровици дзеци котри ходза на роботнї у парохийним доме, у рамикох октобра – Мешаца старших, за свойо баби и дїдох виведли програму на хторей рецитовали, шпивали и грали. Попри по руски, програму виведли и по сербски и українски.
Дзень пред тим, всоботу 17. октобра, порядну роботню за дзеци у парохийним доме у Митровици зняла и редакция РТВ на сербским язику. Попри обрабяня теми „Святе писмо”, дзе парох сримскомитровицки о. Владислав Варґа дзецом указал и кнїжку старшу як 130 роки, дзеци за телевизию рецитовали и шпивали, а пририхтали их Моника Абодї и Даниєла Горняк.
У Сримскей Митровици активна и шпивацка група, хтора порядно отримує проби за наступи на програмох у тим городзе у октобру и новембру.