Акцийни план будзе конкретизовани того викенду

автор апа
833 Опатрене

НОВИ САД – Покраїнски секретарият за образованє, предписаня, управу и национални меншини-национални заєднїци вчера, 10. новембра, у велькей сали Скупштини АП Войводини бул домашнї конференциї пошвеценей виробку Акцийного плану за витворйованє правох националних меншинох – як єдного зоз сеґментох поглавя 23 „Правосудсто и основни права” у поступку придружованя  Републики Сербиї (РС) ґу Европскей Униї (ЕУ).

Роботна ґрупа Министерства правди Републики Сербиї од яри робела на твореню Акцийного плану о хторим дискутоване, а мож го похопиц як нарис хтори би по конєц рока мал буц вчисцени и конкретизовани з вименками и дополнєнями. Акцийни план ма єденац важни обласци у хторих ше пробує винайсц оптимални ришеня, кед слово о витворйованю правох националних меншинох.

2-Konferencija-02

Уводни викладаня на Конференциї винєсли подпредсидатель Покраїнскей влади и покраїнски секретар за образованє, предписаня, управу и национални меншини- нацонални заєднїци Михаль Нїлаш, предсидатель Скупштини АП Войводини Иштван Пастор, шеф Прегваряцкого тиму за водзенє прегваркох о приступаню РС до ЕУ Таня Мищевич, заменїца Покраїнского омбудсмана Ева Вукашинович, помоцнїк министра правди и шеф Прегваряцкей ґрупи за поглавє 23 Чедомир Бацкович, фахови консултант за виробок Акцийного плану Саша Ґаїн и подпредсидателька Скупштини АП Войводини Ана Томанова Маканова.

2-Konferencija-03

Як наявене, Акцийни план за витворйованє правох националних меншинох би уж на соботу и нєдзелю, на сходзе у Вершцу, мал буц финализовани з конкретнима вименками и дополнєнями, хтори прилапени и на вчерайшей Конференциї у Новим Садзе.

Спред Националного совиту Руснацох, на Конферецниї присуствовал його предсидатель Славко Рац.

2-Konferencija-04

ПОВЯЗАНИ ТЕКСТИ