КОЦУР – Вчера у Здравственей амбуланти у Коцуре отримана порядна акция добродзечного даваня креви, хтору орґанизовала Служба за трансфузию креви з вербаского Общого шпиталю, а под покровительством Червеного крижу.
Як за Рутенпрес виявела специялиста трансфузиолоґ др Миряна Ґутеша, Коцурци ше, як и вше дотераз, одозвали у красним чишлє, а попри порядних давательох зявели ше и даскельо нови, котри дотераз нє давали крев.
У Коцуре акциї добродзечного даваня креви Служба за трансфузию орґанизує кажди три мешаци, та шлїдуюца будзе у фебруаре, тераз у просторийох Добродзечного огньогасного дружтва.