НОВИ САД – З нагоди Шветового дня защити животного штредку, у Новим Садзе почала акция скланяня погубених и напущених превозкох, хтори забераю простор на паркинґох и желєних поверхносцох, загрожую животни штредок кед ше з нїх випарюю квашнїни з акумулаторох, олєї и антифризи.
Акцию орґанизовали Явне комуналне подприємство „Паркинґ сервис“, у сотруднїцтве з транспортну инспекцию Городскей управи за инспекцийски роботи. Як пише у Одлуки о явних паркиралїщох, забранєне охабяц и паркировац погубени и напущени превозки, а кед их, после ришеня о скланяню власнїк нє премесци, приноши ше Заключенє о примушуюцим скланяню.
Як сообщели орґанизаторе, кед гражданє збача таки превозки, без реґистрацийних таблїчкох, можу их приявиц на числа телефона 4872-402 и 4872-403.