НОВИ САД – Понеже польопривредна жем єден з нєвельочислених природних ресурсох з хторима наша держава розполага и представя значни розвойни потенциял, Покраїнска влада на вчерайшей схадзки утвердзела текст шейсц амандманох на Предлог закона о вименкох и дополнєньох Закона о польопривредней жеми, хтори прешлїдзи до Скупштини АП Войводини. Кед амандмани буду прилапени у покраїнским парламенту, вец буду прешлїдзени до Скупштини Сербиї.
На схадзки Покраїнскей влади принєшене и ришенє о менованю доцента др Ивана Левакова, специялисти уролоґиї, на место директора Клїнїчного центру Войводини, на мандат од штири роки.
Покраїнска влада Управному одбору Републичного фонду за пензийне и инвалидске осиґуранє предложела же би за директора Покраїнского фонду за пензийне и инвалидске осиґуранє ознова вибрал Славка Имрича, дипломованого економисту зоз Суботици.