ШИД – Амбасада Малтежского шору у Беоґрадзе обезпечал 144 лаптоп-компютери и 31 бициґлу школяром з основних школох у шидскей општини.
На шветочносци, хтора вчера отримана у Спортским центре, дарунки школяром особнє придал амбасадор Алберто Ди Лука.
Вон наглашел же Малтежски шор запровадзує гуманитарни активносци, та помага и општином у хторих прешлого року були вилїви, а медзи нїма и општина Шид.
У мено школярох и локалней самоуправи на дарункох подзековал предсидатель Општини Шид Никола Васич.