НОВИ САД – У своєй урядовей роботней нащиви Новому Саду, амбасадор України у Републики Сербиї Олександр Олександрович, з першим секретаром за политични и билатерални одношеня Наталию Маркевич, вчера нащивел Войводянску академию наукох и уметносцох (ВАНУ). У мено домашнїх госцох привитали предсидатель ВАНУ Юлиян Тамаш, члени Предсидательства Рудолф Кастори и Бранислав Ґудурич, ґенерални секретар ВАНУ Милош Тешич, а на роботней часци схадзки присуствовал и директор Заводу за културу войводянских Руснацох Серґей Тамаш.
Бешедоване о актуалносцох и можлївосцох интензивованя сотруднїцтва на основи подписаних медзирегионалних догваркох зоз Закарпатску и Києвску обласцу України, окреме медзи академиями и у секторе науки, потим у образованю – з окремним акцентом на черанку школярох и студентох, у култури и видавательней дїяльносци, заєднїцких виглєдовацких проєктох и заєднїцким конкурованю до фондох ЕУ, та медзирегионалним сотруднїцтве.
Делеґацию Амбасади України у Беоґрадзе вчера у Покраїнскей влади приял и єй предсидатель Биоян Пайтич, а у Новим Садзе нащивела и Привредну комори Войводини и РТВ.