Ана Римар медзи 200 найлєпшима академцами

автор сен
1.2k Опатрене

БЕОҐРАД/ПЕТРОВАРАДИН Студентка докторских студийох на Филозофским факултету у Новим Садзе Ана Римар з Петроварадину медзи 200 докторантами котри достали стипендию од Министерства просвити, науки и технолоґийного розвою, а ґу тому, єдна є з дзевецерих котри стипендию достали з обласци Язика и литератури.

Стипендисти идуци штири роки буду доставац 32 000 динари мешачно, з тим же кажди рок муша предлужовац контракти пре доказованє же нє повторюю рок и маю просек оценох понад 9.

То иншака стипендия од звичайних, понеже за тоту потребна и иншака робота – кажди стипендиста муши буц уключени до наукововиглєдовацких проєктох хтори финансує Министерство, а Ана Римар уключена до проєкту на Филозофским факултету, у рамикох хторого науково роботи будзе и обявйовац.

– То єдини фонд хтори потримує младих науковцох, а думам же треба отверац и други фонди. Младих людзох котри маю идеї треба же би препознали и у приватним секторе визначел министер Вербич после додзельованя стипендийох.

ПОВЯЗАНИ ТЕКСТИ