ШИД – Вчера урядово отворена перша Подобова колония под назву „Видики” („Видици”), у орґанизациї Здруженя сербско-русийского товаришства зоз Шиду, на хторей участвую по осмеро маляре зоз Русийскей Федерациї и Шиду, а медзи нїма и Андєлка Античевич зоз Беркасова.
Вчера у центре городу отворена вистава малюнкох хтори учашнїки-маляре принєсли на Колонию, а на вовторок буду виложени и малюнки хтори уметнїки намалюю под час Колониї.
Подобову колонию „Видики” отворел Мичо Дюкич, предсидатель Управного одбору Здруженя сербско-русийского товаришства, а отримана и пригодна уметнїцка програма у хторей участвовали члени спомнутого Дружтва, поетове Литературного клуба „Милош Црнянски” зоз Шиду, як и сами госци маляре зоз Русиї.
У роботи Колониї участвує и руска малярка Андєлка Античевич зоз Беркасова, а на вистави заступени и єй малюнки медзи хторима и гевти з препознатлївима рускима мотивами.
