БЕОҐРАД – Национална служба за обезпечованє роботи (НСЗ) и того року орґанизує анкету за роботодавательох, пияту за шором, а анкетованє почало 1. октобра. Тогорочну анкету НСЗ орґанизує з потримовку проєктох Европскей униї, а буду облапени 7 024 роботодавателє – 4 794 з малих, 1 718 зоз штреднїх и 512 з вельких подприємствох у цалей Сербиї.
Анкетаре НСЗ поднїмательох буду интервюовац о їх планох за обезпечованє роботи, о нєобходних схопносцох и знаньох котри би за їх роботи мали мац потенциялни заняти, як и о услугох хтори дава НСЗ.
Анкету ше, насампредз, орґанизує пре спознанє о дефицитарних професийох у шицких реґионох и шицких привредних секторох.
Як и зоз скорейших анкетох, достати резултати буду хасновани за оценьованє ситуациї на тарґовищу роботи, за ускладзованє услугох и мирох НСЗ з потребами привреди, як и за злєпшованє квалитету услугох НСЗ.
НСЗ поволує поднїмательох же би сотрудзовали у анкети и одвитовали на питаня анкетарох з НСЗ.