РУСКИ КЕРЕСТУР – Музично-фолклорни ансамбл Дому култури Руски Керестур вчера одпутовал на госцованє до Польскей, дзе будзе по нєдзелю, 5. юлий.
Виводзацки танєчни ансамбл, соло-шпивачки и оркестер у Польскей участвую на другей часци Медзинародного фестивалу „Швет под Кичеру” у Леґници, хтори орґанизує домашнї Фолклорни ансамбл „Кичера”. Попри у Леґници, кажди дзень буду наступац и у местох у околїску.
Першу часц спомнутого фестивалу ше отримує у Кринїци у Польскей и дзепоєдних местох у Словацкей, на хторей участвовал и КУД „Тарас Шевченко” з Дюрдьова.