АПВ вельо роби на унапредзованє правох националних меншинох

автор сен
787 Опатрене

НОВИ САД – Витворйованє правох националних мешинох то обласц у хторей Автономна покраїна Войводина (АПВ) посцигла значни резултати, алє ше го нєпреривно намага злєпшовац, заключене на схадзки покраїнского секретара за образованє, предписаня, управу и национални меншини-национални заєднїци Михаля Нїлаша и заменїка шефа Мисиї ОЕБС-у у Сербиї Майкла Уєхара.

Секретар Нїлаш госцови винєсол дотерашнїи резултати Покраїни у витворйованю правох националних меншинох у обласци службеного хаснованя язика и писма, основного и штреднього образованя на язикох националних меншинох, та у успишним сотруднїцтве з националнима совитами националих меншинох у Войводини.

На схадзки начата и актуална тема отвераня Поглавя 23 у поступку приступаня ґу Европскей униї. Нїлаш гварел же Покраїна предложела мири за пропорцийне обезпечованє роботи за припаднїкох националних меншинох у явним секторе и мири додатного финансованя за службене хаснованє язика и писма.

Нїлаш поинформовал представителя Мисиї ОЕБС-у же ше роби на злєпшованю квалитету наставного плану и програми виучованя сербского як нємацеринского язика, потим на фаховей едукациї просвитних роботнїкох, та на уводзеню приємних испитох на язикох националних меншинох на високошколски установох.

ПОВЯЗАНИ ТЕКСТИ