РУСКИ КЕРЕСТУР – После того як вовторок, 14. юния, векшином школяре основней школи на роботней акциї очисцели рускокерестурски базен, вчера, 16. юния, базен знова забрудзени од коровча.
Як дознава Рутенпрес, „Води Войводини” вчера дополадня баржей отворели гац (брану) пред базеном и моцни прицисок води до базену наношел подводну траву и коровча, понеже водоцеки пред базеном нє очисцени. Коровче и одцекало и затримовало ше у базену.
Як нєурядово дознава Рутенпрес, гац була отворена прето же єден узши преход у Крущичу бул забити з коровчом.
После чисценя, вовторок пополадню базен помали знова наполнєти з воду и бул чисти.