ДЮРДЬОВ – У 23. колу ярнєй часци першенства Подручней фодбалскей лиґи Нови Сад ФК „Бачка 1923” з Дюрдьова всоботу 4. марца госцовала на фодбалским стадиону ФК „Славия” у Новим Садзе. Змаганє закончене з виєдначеним резултатом 1:1 (0:1).
После того змаганя ФК „Бачка 1923” остава на истей позициї на таблїчки Подручней фодбалскей лиґи, на осмим месце зоз 29 бодами. Зоз тим змаганьом, у тей сезони, вона зазначела осме по шоре змаганє з нєришеним резултатом, а ма и седем побиди и шейсц страцени змаганя.
У шлїдуюцим колу Бачка будзе госцовац у Темеринє дзе будзе бавиц зоз длугопласованим ТСК котри у тей сезони ма лєм єдно страцене змаганє и штернац побиди. Змаганє ше отрима на 12. мая на 17 годзин на стадиону домашнього Клуба.