„Бебац“ вимага безплатни вакцини, Министерство ше бранї зоз законскима актами

автор сен
925 Опатрене

СЕРБИЯ – Интернет портал „Бебац“ отворено критиковал министра здравя Златибора Лончара и поручел же треба привесц до шора систему вакцинованя у Сербиї, та вимага же би вакцини були безплатни за шицки дзеци.

Пре одлуку же би за пейцвалентни вакцини „Пентаксим“ и „Инфанрикс“ нє плацели лєм родичи дзецох котри народзени после 1. новембра, пошлїдки зноша родичи чийо дзеци уж започали вакцинованє з єдну з тих двох вакцинох. Тераз тоту вакцину нє мож купиц у апатикох, бо их нєт достаточно, наведзене у отвореним писму хторе наменєне Лончарови.

Родичи тиж додали же фармацеути злохасную дефицит пейцвалентних вакцинох и наплацую их по дупло висших ценох.

На критику и преволованя, Министерство здравя сообщело же нє слово о дискриминациї, алє же законски и подзаконски акти нє предвидзовали применьованє тих вакцинох скорей януара 2015. року, та ше ю нє могло набавяц о трошку Републичного фонду за здравствене осиґуранє.

Кед слово о терашнїм дефициту „Пентаксим“ вакцини у здравствених установох, Министерство поручело же роби на цо скорейшим розришеню тей ситуациї и додало же дочасово прекладанє початку вакцинациї нє ризичне за дзецко и пре тото родичи нє треба же би були застарани.

ПОВЯЗАНИ ТЕКСТИ