КУЛА – Општина Кула и Здруженє МНРО „Белава птица” орґанизую безплатну обуку за гонорарну роботу, у рамикох онлайн сервису котри будзе направени пре потримовку родичом у ґаздованю з їх обисцом.
Шицки котри законча обуку буду квалификовани за услуги помоци у обисцу и чуванє дзецох, а плановане направиц єдну єдинствену онлайн базу дзе шицки заинтересовани годни пренайсц особу за услуги котри им буду потребни.
Приявиц ше мож найпознєйше по 13. септембер на телефонске число 025/724-177, або на имейл: plavapticamnro@gmail.com, лєбо особнє у просторийох „Белавей птици” на адреси Ленїнова 17 у Кули.
Проєкт за потримовку родичом и родзеню дзецох финансийно потримало Министерство за демоґрафию и популацийну политику, а спомута обука лєм єдна часц у його реализациї.