Безплатне меранє очного прициску

автор ядю
1.3k Опатрене

НОВИ САД – У домох здравя на Лиману и у Змай Оґнєна Вука у Новим Садзе на пияток, 11. марца, будзе орґанизоване безплатне меранє очного прициску з нагоди Дня борби процив ґлаукома.

– Ґлауком мож одкриц лєм на лїкарским препатрунку очох, кед ше мера очни прицисок. Найчастейша файта тей хороти нє дава нїяки симптоми, та го барз чежко обачиц, аж док ситуация нє постанє барз озбильна – виявела за 021 др Иванка Танасиєвич-Филипов.

Акцию безплатного препатрунка очного прициску Дом здравя орґанизує прето же би гражданє могли на час реаґовац, окреме гражданє старши од 40 роки и то тоти хтори ше потераз нє препатрали. Ризик од ґлаукома барз вельки при особохо старших од 60 рокох.

На препатрунок треба принєсц лєм особну карточку, а препатрунки ше будзе окончовац од 7 до 16 годзин.

ПОВЯЗАНИ ТЕКСТИ