КУЛА/РУСКИ КЕРЕСТУР – У рамикох широкей акциї Министерства нукашнїх дїлох, Авто-мото союзу Сербиї и Асоцияциї технїчних препатрункох превозкох, хтора тирва по соботу, 28. новембер, на подручу Полицийней управи Зомбор исправносц превозкох безплатно мож препатриц и у Кули и Руским Керестуре.
У Руским Керестуре до тей акциї уключени Транспортни центер „Ковач” (Владимира Назора 98, тел. 703-713), дзе ище три днї мож безплатно превериц технїчну исправносци превозкох.
У Кули технїчни препатрунок безплатно мож окончиц на штирох местох – у „Еуроавто” (М. Тита 201), „АМҐ авто” (Иси Секицкого 32), у „АЦ Поинт” и у „Кулатрансу” (Виноградска 1).
Горе спомнути безплатну акцию орґанизую пре одклоньованє замеркованих нєправилносцох на превозкох и пририхтованє за жимски условия воженя, а як наявене, после акциї транспортна полиция интензивнєйше будзе преверйовац технїчну исправносц превозкох.