КУЛА – Здруженє за помоц МНРО „Белава птица” зоз потримовку Општини и Министерства за демоґрафию и популацийну политику, родичом зоз општини Кула понука два безплатни услуги.
Перша услуга то Школа за родичох хтора наменєна ваготним женом, младим паром и шицким хтори уж постали родичи, а роздумую о преширйованю фамелиї. На обуки хтора будзе тирвац седем днї, заинтересовани достаню информациї на тему здравя под час ваготносци, допатранє народзеного дзецка, пририхтованє за полог, пилатес за ваготни жени, розвой дзецка од родзеня по треци рок, воспитанє дзецка и улога оца у вихованю дзецка.
Обука будзе отримана у Кули, у Ленїновей ч. 17, од 24. по 30. юний, а водза ю патронажни шестри, ґинеколоґ и фаховци за розвой дзецка. Прияви на телефон 064/64-85-382 обовязни пре формованє ґрупох.
Друга услуга то услуга патронажней шестри за народзене дзецко, хтора доступна шицким родичом за пейц до седем безплатни нащиви патронажней шестри пре обуку коло дойченя, допатраня пупку, обуку коло купаня и шицких других потребох родичох кед беба сцигнє до фамелиї. Нащива патронажней шестри ше заказує на телефон 064/64-85-382. Тота услуга безплатна и доступна у шицких местох општини Кула.