Безповратна помоц польопривреднїком

автор дюлї
1k Опатрене

МИКЛОШЕВЦИ – У општини Томповци, до хторей припадаю и Миклошевци, тих дньох розписана явна поволанка з хтору польопривредни продукователє поволани же би конкуровали за доставанє безповратних средствох, а у складзе з правилами и функционованьом Европскей униї.

Безповратни средства буду додзелєни за софинансованє у рижних едукацийох, за препатрунок апаратох за защиту рошлїнох, за купованє пчоларскей опреми и заєднїцох, за рижну єднократну амбалажу за овоц и желєняву, за прудукцию цеску и других заградкових рошлїнох хтори ше продукує на отвореним и у завартим, як и за садзенє младнїкох овоци.

Безповратни средства у идуцим економским року виноша коло 15 000 еври, а молбу з одредзену документацию треба придац по 15. новембер. Спрам спознаньох, у Миклошевцох лєм двоме продукователє заградково рошлїни продукую у завартим просторе.

ПОВЯЗАНИ ТЕКСТИ