Безповратни средства 12 општином и єдней школи

автор сен
1k Опатрене

НОВИ САД – Предсидатель Покраїнскей влади Иґор Мирович и директор Управи за капитални укладаня Неделько Ковачевич вчера уручели контракти представительом 12 войводянских општинох и єдней школи, хтори по пейц конкурсох Управи за капитални укладаня АПВ достали безповратни средства за финансованє проєктох.

7-Uprava-02

За тоти конкурси були опредзелєни вєдно 371,2 милиони динари. За оправянє драгох пенєж достаню општини Ириґ, Оджак, Стара Пазова, Темерин и Сента, за вибудов водоводней мрежи, канализациї и системох за зазберованє одрутних водох Вербас, Шид, Нови Кнежевац и Ковин. Општини Кула, Ковин и Била Церква достаню средства за оправянє и вибудов драгох и за їх ошвиценє, а Ириґ за другу фазу реконструкциї хижи дзе одроснул Борислав Михайлович Михиз.

У Новим Садзе ше будзе ушорйовац поверхносц коло Кампусу Универзитету, а средства за добудов обєкту достала Основна школа „Васа Стаїч” у Новим Садзе.

Директор Управи за капитални укладаня АПВ Неделько Ковачевич поволал предсидательох општинох най зоз сотруднїками пририхтаю проєкти за идуци рок, бо поволанку Управа розпише уж початком идуцого рока.

ПОВЯЗАНИ ТЕКСТИ