БЕОҐРАД – Внєдзелю на Службу Божу до грекокатолїцкей церкви Кирила и Методия у Беоґрадзе (Крунска 23), окрем наших вирних, пришли и двойо грекокатолїки зоз Львова и єден зоз Прешова.
Як наглашел парох о. Варґа, беоґрадска грекокатолїцка парохия ма окреме важну улогу за чуванє свойого обряду и традициї велїм грекокатолїком зоз реґиона и швета котри ту приходза робиц до рижних амбасадох и подприємствох, або ше ту длужей затримую.
