БЕОҐРАД/НОВИ САД – Прешлого року 125 015 особи тирвацо пременєли место пребуваня и преселєли ше до городох, а скоро половка з нїх пре роботу. Як указую податки Републичного заводу за статистику (РЗС), штредня старосц домашнїх миґрантох 33,3 роки.
Найперспективнєйши Беоґрадски реґион, дзе ше влонї преселєли аж 51 548 особи, а после нього шлїдзи Войводина, до хторей ше зоз Сербиї приселєли 28 105 особи. Найменєй державянох миґровало до южней и юговосточней Сербиї.
Южнобачки округ приял найвецей новоприселєних – 11 423, а найвецей нових жительох влонї достал Нови Сад, дзе ше приселєли 6 988 особи.
Пре вигодни привредни резултати и условия за доставанє роботи, до Сриму ше з других крайох Сербиї преселєли 4 151 особи, та є по тим, после Нового Саду, друга обласц у Войводини хтора прияла найвецей жительох.
До Заходнобачкого округу пришли жиц 1 960 особи, а до Сивернобачкого 2 587, спомедзи котрих аж 1 994-еро до Суботици.
Пре слабенє индустриї и гашенє роботних местох, до Сивернобанатского округу ше преселєли скоро 10 раз менєй людзе як до Южнобачкого.