БИКИЧ – У Месней заєднїци Бикич вчера, 13. септембра, отримана схадзка тиму за писанє и презентацию моноґрафиї Бикич Долу, хтора будзе видата и представена у рамикох Централней преслави означованя националного швета Руснацох, у януаре идуцого року у Бикичу.
На твореню моноґрафиї робя Деян, Дарко и Невенка Бобальово, Зденко и Бранислав Лазорово, о. Владимир Еделински Миколка и Радован Сремац.
Спомнути авторе поєдинєчно задлужени за обробок одредзеней часци, як цо то ґеоґрафски характеристики, историят, привреда, култура, школство, церква и спорт Бикичу.
Треба надпомнуц же до тераз о Бикичу як цалосц нє обявена анї єдна кнїжка, так же то будзе перша така публикация у хторей обсяжно буду спатрени шицки його характеристики и активносци у Бикич Долу.