„Битка за породзилїща” и у Вербаше

автор апм
737 Опатрене

ВЕРБАС – Вчера у Общим шпиталю Вербас предлужена акция „Битка за породзилїща”, хтору водзи Фонд Б92, так же породзилїщу у Вербаше официйно придата медицинска опрема вредна прейґ 3,2 милиони динари.

Породзилїще достало реанимацийни стол, нови ЦТҐ-апарат, лєжаци кочик за транспорт пациєнтох, шински аспиратори за беби, амбу-маски и другу вредну опрему хтора набавена дзекуюци средством назбераним з одкладаня виновного караня, такволаного опортунитету.

На придаваню опреми у Вербаше присуствовали представителє Фонду Б92 и тужительства з Нового Саду Веран Матич и Миряна Пекович, а дочекали их о.д. директор Шпиталю Предраґ Радович и його сотруднїки.

Крем Вербасу, опрему з гуманитарних средствох назбераних прейґ опортунитету уж достали породзилїща у Беоґрадзе, Вершцу, Шабцу, Ужицу, Пожаревцу, Новим Садзе, Панчеве и других местох, а вербаске породзилїще петнасте хторе достало опрему у рамикох акциї Фонду Б92 „Битка за беби”.

ПОВЯЗАНИ ТЕКСТИ