ВЕРБАС – На ютре, на Перши дзень Пасхи, у старовербаскей парохиї Покрова Пресвятей Богородици на 6 годзин будзе Воскресна утриня зоз Службу Божу, а на 10 годзин Служба Божа з пошвецаньом кошаркох.
На Други дзень швета служби буду на 8 и 10 г., з тим же Велька на 10 г. будзе и Архиєрейска, понеже ю будзе предводзиц наш преосвящени владика кир Георгий Джуджар. На обидвох службох будзе и мированє, а по службох будзе вистава дзецинских роботох з нагоди Велькей ноци.
У нововербаскей парохиї Св. Владимира на нєдзелю Воскресна утриня будзе на 5 годзин рано, а на 10 г. Служба будзе у Змаєве.
На Други и Треци дзень швета у тей парохиї Служби буду на 9 годзин. На пондзелок будзе и програма дзецох за хтору їх порихтали шестри з Манастиру Зачаца Пречистей Дїви Мариї у Новим Вербаше.