Богоявлєнє у Кули

автор маф
982 Опатрене

КУЛА – Преславйованє Богоявлєня – Трокральох, у грекокатолїцкей парохиї у Кули почало дзень пред тим, з Богоявлєнску вилїю, кеди служена Вечурня и Служба Божа Василия Велького.

Вчара, на саме швето, у кулскей церкви на 9 годзин Службу Божу служел парох о. Виталий Лотоцки, ЧСВВ, у присутносци красного числа вирних. По Служби, у виронаучней сали, дзе ище вше виложени иконо о. Михайла Йосафата Гардия, о. Виталий окончел и обряд пошвецаня води.

З тоту воду парох такой пошвел манастирски дом шестрох Служебнїцох, а тиж започал и пошвецанє домом вирних парохиянох, хторе у Кули будзе тирвац длугши час, у поради з парохиянами.

Богоявлєнє вчера преславели и грекокатолїки у филияли кулскей парохиї у Крущичу, дзе на 9 годзин капелан о. Платон Салак, ЧСВВ, служел Службу Божу и пошвецел воду, а потим и обисца вирних.  

9-Kula-02

ПОВЯЗАНИ ТЕКСТИ