ДЮРДЬОВ – На Сиропусну нєдзелю, 13. марца у парохийней сали церкви Рождества Пресвятей Богорици у Дюрдьове отримане брацкованє вироученїкох.
Друженє отримане пред початком Вельконоцного посту, змистово го обдумал вироучитель Данил Задрепко, а у зависносци од возросту, школяре рисовали, змагали ше у схопносци, та преверйовали знанє з виронауки.
Найсхопнєйши за награду достали пригодни дарунки, а за шицки присутних була обезпечена и томбола. По законченю змаганя друженє, хторе финансийно помогнул Церковни одбор, предлужене з музику и шпиванку.