Будзе адаптована лєтня бина у Коцуре

автор тах
920 Опатрене

КОЦУР/ВЕРБАС – Предсидатель вербаского Едукативного центру Борис Юрошевич на конференциї за медиї у шветочней сали Скупштини Општини Вербас вчера вечар обявел же одобрени проєкт за адаптацию лєтнєй бини у Коцуре, з хторим конкуровали до „Траґ фондациї” и Балканскей фондациї за демократию.

Юрошевич на схадзки гварел же за тоту намену достати 328 000 динари и же роботи почню такой по находзеню виводзачох и набавки материялу, а бина ма буц закончена по 24. юлий, кеди будзе шветочно отворена з концертом на Акциї младих „Дай и ти свою руку” коцурского Здруженє младих. Предсидатель спомнутого Здруженя Стеван Самочета и асистент у координациї на тим проєкту.

7-Bina-02

Руйнована часц бини будзе звалєна и знова вибудована и закрита, а прейґ истого проєкту буду орґанзовани и рижни едукативни роботнї, хтори будзе водзиц Слободан Ґаїч, длугорочни тренер роботньох. Плановане вибудовац и трим-дражку коло коцурского беґелю и поставиц там лавочки.

Проєкт адаптациї коцурскей лєтнєй бини єден зоз седем хтори финансую спомнути фондациї, вибрани з 250 кельо апликовали.

ПОВЯЗАНИ ТЕКСТИ