СЕРБИЯ – Пре злєпшанє положеня положнїцох у породзилїщох и клинїкох за ґинеколоґию, до пиятку, 20. марца, шицки заняти у тих установох буду мушиц ношиц беджи – карточки на хторих будзе писац їх мено и презвиско, пре їх идентификованє. Положнїци буду и анкетовани, же би ше утвердзело препущеня у роботи, наявел министер здравя Златибор Лончар
Таки поцаг ушлїдзел после обявйованя резултатох виглєдованя „Шлєбода родзеня -виглєдованє о искуствох женох котри ше породзели у Сербиї“, а хторе окончел Центер за мацери. Випитованє 2 583-ох женох указало же векшина мали неґативни искуства под час пребуваня у породзилїщу, а кажда дзешата жена гварела же пре таке искуство вецей нїґда нє сце родзиц дзецко.
Анализуюци резултати анкети, директорка Центру за мацери Йована Ружичич констатовала же ше положнїцом нє пошвецує достаточно поваги, як гварела, векшина занятих ше им анї нє представи, та анї нє потолкує медицински процедури, преноша новини „Дневник“.