РУСКИ КЕРЕСТУР – Нєшка на керестурским теметове на 15,45 годзин будзе пошвецени памятнїк на месце дзе одприлики бул поховани визначни учитель Петро Кузмяк (1816–1900) по хторим ноши мено нєшкайша Школа у Руским Керестуре.
Керестурски священїки буду служиц панахиду за учителя Кузмяка и пошвеца памятнїк чий виробок и поставянє финансовала Амбасада України у Беоґрадзе, чия делеґация будзе присутна.
На пошвецаню памятнїка будзе присутни и дальши учительов род Василь Кузмяк, тиж просвитни роботнїк зоз Словацкей одкаль походзи и учитель Петро, а буду присутни и представителє керестурскей Школи и Националного совиту Руснацох.