Будзе Центер за лаґерованє рошлїнских остаткох

автор ртв/сен
1.2k Опатрене

ПРИҐРЕВИЦА – У Приґревици коло Апатину почина будованє Центру за лаґерованє рошлїнских остаткох, капацитету 37 500 кубни метери. Наявене же вибудов будзе закончена у маю, а роботу достаню 50 особи.

У Войводини рочнє єст 10 милиони тони роловани и пресовани рошлїнски остатки, з чого ше за био-пелет похаснує менєй як милион, понеже векша часц препаднє и згори на полю.

– З отвераньом можлївосцох за вивоз аґро-пелету до Европскей униї, то може постац значни конар за вивоз. З отвераньом того обєкту оможлївиме польопривреднїком же би сламу и друге цо остало на польох принєсли ту на чуванє, место же би их спалєли – гварел 28. януара предсидатель Покраїнскей влади Боян Пайтич на кладзеню фундаментного каменю за Центер.

Ношитель проєкту Центру за лаґерованє рошлїнских остаткох Дирекция за вибудов Апатину, а Покраїнска влада за ньго видвоєла 142 милиони динари.

ПОВЯЗАНИ ТЕКСТИ