НОВИ САД – По 15. авґуст би мала буц отримана явна розправа о Нарису стратеґиї културного розвою Нового Саду од 2016. по 2026. рок, а Городска управа за културу явно поволує шицки установи култури, здруженя, орґанизациї и других заинтересованих актерох най ше уключа до розправи.
Нарис стратеґиї културного розвою Нового Саду обявени на сайту www.novisad.rs и www.bazakulture.rs . Под час Явней розправи шицки заинтересовани гражданє свойо замеркованя и суґестиї можу послац на е-адресу kultura@uprava.novisad.rs лєбо по обичней пошти на адресу: Городска управа за културу, Жарка Зренянина 2, Нови Сад.
Гражданох котри особнє жадаю винєсц свойо думанє буду примац представителє Городскей управи за културу и сотруднїки котри участвовали у виробку Нарису стратеґиї, а о тим буду поинформовани на сайту www.novisad.rs