Будованє Сентандрейскей драги

автор ртв
894 Опатрене

НОВИ САД – У присустве предсидателя Покраїнскей влади Иґора Мировича и городоначалнїка Нового Саду Милоша Вучевича, директор Управи за капитални укладаня Войводини Неделько Ковачевич и началнїк Городскей управи за будовательну жем и инвестициї Слободан Кнежевич подписали Протокол о заєднїцким финансованю проєкту вибудови транспортних поверхносцох Сентандрейскей драги у Новим Саду.

Слово о драги вкупней длужини 1 380 метери, од кружней драги з Приморску по Велебитску улїцу.

Проєкт будзе реализовани у двох фазох – у першей будзе вибудована часц булевару, а у другей, 2018. року, мост на беґелю ДТД и приход на будуци булевар з напрямох ґу Србобрану и Темерину.

Явне подприємство Драги Сербиї, дзекуюци ресорному министерству, за тот проєкт видвоєло 200 милиони динари, а за роботи на драгох на териториї Нового Саду вкупно коло милиярду динари.

ПОВЯЗАНИ ТЕКСТИ