КОЦУР – Пред тогорочну жатву, Добродзечне огньогасне дружтво (ДОД) з Коцура у своїх просторийох тих дньох за коцурских парастох орґанизує безплатни препатрунок польопривредних машинох и процивогньових апаратох.
Апарати и польопривредни машини препатраю члени ДОД, фаховци у тей обласци, а кажде за кого ше утвердзи же му машина и апарат у шоре, достава налїпку з хтору може участвовац у тогорочней жатви и хтору би шицки машини – учашнїки у жатви мушели мац.
По податкох з ДОД, дотераз препатрени 27 комбайни, хтори ше препатра на терену, як и коло 120 трактори, а обчекую же буду препатрени коло 220 машини.
Попри тим, з початком жатви ярцу огньогасци почали и порядни дежурства у огньогасним доме од 9 до 21 годзин, як и обиходзенє хотарох, док домар у огньогасним доме дежура вноци.
