НОВИ САД – Покраїнски секретар за локалну самоуправу Бранислав Буґарски оценєл же вименки Закона о локалней самоуправи нє буду уплївовац на злєпшанє функционованя локалних самоуправох и вимагал же би Покраїна була задлужена за напатранє їх функционованя у Войводини, прето же 175 општини превельо за Беоґрад.
Буґарски виявел за РТВ же ше наздава же у новим Уставу буду дефиновани обовязки Автономней покраїни Войводини, реґионох, општинох и совитох месних заєднїцох и же на тот способ Сербия будзе децентрализована.
– То значи же шицки одлуки хтори мож принєсц на уровню совиту месних заєднїцох, там треба и приношиц, а потребне и вибалансоване одношенє медзи месну заєднїцу и општину и општинску администрацию. На тот способ ше розвива демократия у дружтве. Медзитим, предложени вименки Закона нє принєши драматични викрок у тим напряме, прето же елементарни роблеми нє достали прецизни ришеня – гварел Буґарски.