НОВИ САД – Лїкаре апелую на родичох же би вакциновали дзеци, прето же вакцини змоцнюю способносц одбрани од хороти и помагаю розвою антицелом процив вирусох.
У Войводини концом 2014. и на початку 2015. року пришло до епидемиї морбилох, пре їх уношенє з Републики Сербскей, а за тоти два мешаци охорели 48 особи. Кампаня процив вакцинованя дзецох, окреме з ММР вакцину, спричинєла страх при родичох, медзитим фаховци окреме препоручую вакцинованє.
– Понеже тераз нєвигодна епидемиолоґийна ситуация з морбилами, потребне такой вакциновац дзецко у складзе з возростом – гварел епидемиолоґ з Институту за явне здравє Войводини Миолюб Ристич.