ДЮРДЬОВ – Вчера у дюрдьовскей церкви Рождества Пресвятей Богородици парохиянє з трома службами Божима означели Вельки пияток по юлиянским календаре. На 15 годзин Вечурню Исусового хованя служел ґосподїнски парох о. Михаил Холошня, а за кларисами шпивали члени фамилиї Холошняй, вєдно з дюрдьовским парохом о. Йоакимом Холошняйом.
Нєшка, на Вельку соботу, у дюрдьовскей парохиї на 18 годзин будзе Служба Божа з Вечурню и перша часц Саночного, а на 21 годзин Воскресна утриня и друга часц Саночного.
На ютре, на Перши дзень Пасхи, на 9 годзин будзе Служба Божа з пошвецаньом паскох, а на 18 годзин Служба Божа и Вечурня.
На Други и Треци дзень Велькей ноци служби буду на 9 и на 18 годзин, а на Треци дзень будзе и мированє.