ВЕРБАС – Пре пригварки числених Вербащанох на вельки рахунки за далїнске зогриванє з ЯКП „Стандард”, стреду отримана схадза гражданох и представительох спомнутого подприємства и локалней самоуправи.
Гражданє котри у дзепоєдних часцох Вербасу приключени на далїнске зогриванє нєзадовольни прето же пре нову систему обраховйованя мешачни рахунки вецейраз звекшани. Тераз, на основи Одлуки Влади Сербиї, на рахунку виказана фиксна и вариябилна часц потрошеней енерґиї.
Як гварене после схадзки, обидва боки дзечни ришиц тот проблем, дати и конкретни предкладаня, та у чаше од 10 днї локална самоуправа одвитує як кориґує терашнї вельки рахунки на „пристойно нормални”.
Тиж догварене же би ше винаходзело системске ришенє и за будуцу сезону зогриваня.